Alislaam Yeretsani mtima wanu potsatira chisilamu
Nthawi ina, pamene Mtumiki (swallallaahu ‘alayhi wasallam) akuswali ku Ka’bah Shareef, Uqbah bin Abi Mu’ait, mmodzi mwa atsogoleri oipa a maquraish, adadza kwa iye ndi cholinga choipa chofuna kumuvulaza.
Atafika kwa Mtumiki (swallallahu alaih wasallam), Uqbah adavula nsalu yake, naiika m’khosi mwake nayamba kum’nyonga nayo mopanda chifundo. Hazrat Abu Bakr Siddeeq (radhiyallahu ‘anhu) atangomva za izi, adathamangira pamalopo kuti akamuteteze Mtumiki (madalitso ndi mtendere zikhale naye). Atafika nthawi yomweyo adamugwira Uqbah paphewa ndikumukankhira kutali ndi Mtumiki wa Allah (mtendere ukhale pa iye).
Hazrat Abu Bakr Siddeeq (radhiyallahu anhu) adalankhula ndi Uqbah monyoza motere:
أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءَكُم بِالْبَيِّنَاتِ مِن رَّبِّكُمْ
Mukufuna kupha munthu chifukwa chongolengeza kuti Mbuye wanga ndi Allah Taala pomwe wakubweretserani zisonyezo zoonekera bwino kuchokera kwa Mbuye wanu?
