Alislaam Yeretsani mtima wanu potsatira chisilamu
Mzinda wa Damasiko utagonjetsedwa ndi Asilamu, Abu Ubaidah (radhwiyallahu ‘anhu) mkulu wa asilikali achisilamu -anasankha Sa’iid bin Zaid (radhwiyallahu ‘anhu) kukhala kazembe wa mzinda wa Damasiko.
Pambuyo pake Abu Ubaidah (Radhwiyallahu ‘anhu) adapitilira ndi gulu lake lankhondo kulowera ku Jordan. Atafika ku Yordan, anamanga msasa kumeneko ndi kuyamba kukonzekera zolimbana ndi adani. Abu Ubaidah (Radhwiyallahu ‘anhu) adasankha Khaalid bun Waliid ndi Yaziid bun Abu Sufyaan (Radhwiyallahu ‘anhuma) kukhala akuluakulu a gulu la nkhondo.
Sa’eed bin Zaid (radhiyallahu ‘anhu) atauzidwa kuti gulu lankhondo la Asilamu posachedwapa lichita nkhondo yolimbana ndi anthu osakhulupirira, khumbo lamphamvu lidalowa mu mtima mwake lofuna kutenga nawo gawo pa nkhondo ya Asilamu ndikupereka moyo wake chifukwa cha Allah Ta’ala.
Atagonjetsedwa ndi khumbo lamphamvu limeneli, adalemba kalata yopita kwa Abu Ubaidah (radhwiyallahu ‘anhu) momwe adafotokozera kufunitsitsa kwake kulowa nawo mu Jihaad ndipo adapemphanso kuti achotsedwe paudindo wake ngati kazembe wa Damascus.
Pambuyo pomutamanda Allah Ta’ala ndi kupereka salaam, adalemba zotsatirazi m’kalata yopita kwa Abu Ubaidah (Radhwiyallahu anhu) kuti: “Pankhani yochita nawo Jihaad, sindingathe kutsalira m’mbuyo ndikukupatsani inu ndi maswahaaba anu kukhala m’malo mwa ine, makamaka pamene Jihaad ndi njira yanga yopezera chisangalalo (ndi kuyandikira pafupi) kwa Mbuye wanga. ali ndi khumbo lofuna kuyang’anira udindo umenewu kuposa ine mwini, chifukwa posachedwapa ndilowa usilikali, insha Allah.”
kalata ya Saiid bin Zaid (Radhwiyallahu ‘anhu) itafika kwa Abu Ubaidah (Radhwiyallahu ‘anhu), adanena: “Iye (Sa’iid) watsimikiza kusiya udindo wake (ndikulowa mu Jihaad, choncho sitingathe kumuletsa tsopano). Kenako adamuitana Bun Abu Sufyaan (Radhiyallahu ‘anhu, mkulu wake wamkulu) ndikumulangiza kuti asankhe munthu wina kukhala kazembe wa Damascus m’malo mwa Sa’iid (Radhwiyallahu ‘anhu). (Ar Riyaadhun Nadhrah fi Manaaqibil ‘Ashrah 4/343).
