Alislaam Yeretsani mtima wanu potsatira chisilamu
1. Munthu asanapite paulendo (ngati ulendo opita kutali ntunda okwana makilomita 78 kapena kuposerapo), ayenera kuswali ma rakah awiri a salaah. Salaah iyi imadziwika kuti Salaatus Safar.
Mut’im bun Miqdaam rahimahullah adati Mtumiki Swallallahu alaihi wasallam adati: “Palibe ntchito imene munthu angasiire banja lake asananyamuke paulendo wabwino kwambiri kuposa ma rakah awiri omwe amaswali pakati pawo.
Zanenedwa kuti nthawi iliyonse Ibnu Umar radhwiyallah anhuma akafuna kuyenda ulendo, ankapita kaye ku nzikiti ndi kukaswali.
2 Kumanani ndi achibale anu ndi abwenzi asananyamuke paulendo (ngati kupita ku Umrah kapena Haji) ndipo apempheni kuti akuchitire duwa.
Abu Hurairah radhwiyallahu anhu akusimba kuti Mtumiki Swallallahu alaihi wasallam adati: “Pamene aliyense mwa inu akufuna kuyenda ulendo, akakumane ndi abale ake achisilamu (omwe ndi achibale ake ndi abwenzi ake ndi kuwapempha kuti amupangire Dua) ndithu, duwa yawo yomwe idzawonjezeredwe ku dua yake ndi yomwe idzafewetse ulendo wake.
3. Uzani achibale anu za komwe mukupita ndi komwe mukakhale pa ulendo wanu kuti adzathe kulumikizana nanu.
