Alislaam Yeretsani mtima wanu potsatira chisilamu
Dua Kupindulira Munthu Mnthawi ino ndi Mtsogolo
Olemekezeka Ibnu Umar (Radhwiyallahu anhuma) akusimba kuti Mtumiki (Swallallahu alaihi wasallam) adati: “Dua imapindulitsa pakalipano komanso mtsogolo. Choncho, inu akapolo a Allah, pirirani popempha.[1]
Yemwe amapanga Dua nthawi zonse Amapindula
Olemekezeka Abu Sa’iid Khudri (Radhwiyallahu anhu) akusimba kuti Mtumiki (Swallallahu alaihi wasallam) adati: “Msilamu aliyense amene amapemphera kwa Allah ndi kum’pempha, ndipo duwa yake ilibe tchimo lililonse (ie kupempha chinthu choletsedwa) kapena kuthetsa ubale wakubanja. , Allah adzampatsa chimodzi mwa zinthu zitatu. adzampatsa zimene wapempha (padziko lapansi), kapena Adzamsungira malipiro a duwa ku Aakhirah, kapena adzamuchotsera tsoka.” Swahaabah adati: “Ngati ziri choncho, tidzichulukitsa kupempha.” Mtumiki (Swallallahu alaihi wasallam) anayankha kuti: “Allah ndi oposa chilichonse (i.e, mphamvu Zake ndi chuma Chake nzoposa Zimene mukupempha).”.[2]
[1] سنن الترمذي، الرقم: 3548، وقال: هذا حديث غريب لا نعرفه إلا من حديث عبد الرحمن بن أبي بكر القرشي وهو المكي المليكي وهو ضعيف في الحديث قد تكلم فيه بعض أهل الحديث من قبل حفظه
[2] مسند أحمد، الرقم: 11133، وقال العلامة الهيثمي رحمه الله في مجمع الزوائد، الرقم: 17210: رواه أحمد وأبو يعلى بنحوه والبزار والطبراني في الأوسط ورجال أحمد وأبي يعلى وأحد إسنادي البزار رجاله رجال الصحيح غير علي بن علي الرفاعي وهو ثقة
