Abdur-Rahman bin Awf (Radhwiyallahu ‘anhu) amatsogolera Swalaah

Paulendo wa Tabuuk, ma Swahaabah (Radhwiyallahu ‘anhum) adali pa ulendo ndi Mtumiki (Swalla Allaahu ‘alayhi wasallam). Mtumiki (Swalla Allaahu ‘alayhi wasallam) adachoka kwa ma Swahaabah (Radhwiyallahu ‘anhum) kuti apite kukazithandiza.

Popeza kuti nthawi ya Swalah ya Fajr sidali yochuluka, ndipo ma Swahaabah (Radhwiyallahu ‘anhum) ankaopa kuti nthawi itha kutha, sadamudikire Rasulullah (Swalla Allaahu ‘alayhi wasallam) kuti abwerere, m’malo adapempha Abdur-Rahman. ibn Auf (Radhwiya Allaahu ‘anhu) kuti awatsogolere Swalah ya Fajr.

Abdur-Rahman ibn Awf (Radhwiyallahu ‘anhu) adavomera ndikuyamba Swalaah. Ali mkati motsogolera Swalah, Rasulullah (Swalla Allaahu ‘alayhi wa aalihi wa sallam) adabwera nayamba kuswali nawo. Mtumiki (Swalla Allaahu ‘alayhi wasallam) adayima pamzere kumbuyo kwa Abdur-Rahman ibn Awf (Radhwiyallahu ‘anhu).

Ena mwa ma Swahaabah (Radhwiya Allaahu ‘anhum) adayamba kuwerenga tasbeeh kuti amudziwitse Abdur-Rahman ibn Awf (Radhwiyallahu ‘anhu) kuti Mtumiki (Swalla Allaahu ‘alayhi wa aalihi wa sallam) wabwera kuti abwerere m’mbuyo, ndipo Mtumiki (Swalla Allaahu ‘alayhi wasallam) apite kutsogolo ndi kutsogolera Swalaah,

Abdur-Rahman ibn Awf (Radhiya Allaahu ‘anhu) atazindikira kuti Mtumiki (Swalla Allaahu ‘alayhi wasallam) waima kumbuyo kwake, adafuna kubwerera m’mbuyo, koma Mtumiki (Swalla Allaahu ‘alayhi wasallam) adamuzindikiritsa ndi dzanja lake kuti apitirize kutsogolera Swalah.

Atamaliza Swalah, Mtumiki (Swalla Allaahu ‘alayhi wasallam) adawalankhula ma Swahaabah (radheiyallahu ‘anhum) kuti: “Mwachita bwino” kapena kuwauza kuti: “Mwachita bwino (poyamba Swalah osati kundidikira. ” M’mawu ena, ma Swahaabah (Radhwiyallahu ‘anhum) adali ndi nkhawa panthawiyo kuti Mtumiki (Swalla Allaahu ‘alayhi wasallam) asakhumudwe nawo chifukwa chosamuyembekezera, koma Mtumiki (Swalla Allaahu ‘alayhi wa aalihi wa sallam) adawakhanzikitsa mtima pabsi ndi kuwalimbikitsa kuti achita zabwino.