Ma Dua Onena Ukamaliza Kudya

Dua Yoyamba

اَلْحَمْدُ لِله الَّذِي أَطْعَمَنَا وَسَقَانَا وَجَعَلَنَا مُسْلِمِينَ

Kuyamikidwa konse ndi kwa Allah amene watipatsa chakudya ndi chakumwa ndi kutipanga kukhala Asilamu.

Dua Yachiwiri

الْحَمْدُ لِلَّهِ الَّذِي أَطْعَمَنِيْ هَذَا الطَّعَامَ وَرَزَقَنِيْهِ مِنْ غَيْرِ حَوْلٍ مِّنّّي وَلاَ قُوَّةٍ

Kuyamikidwa konse ndi kwa Allah amene wandipatsa chakudya ichi kuti ndidye, ndipo wandipatsa popanda kuvutikira kulikonse kapena kuyesetsa kumbali yanga.

Dziwani izi:

Olemekezeka Mu’aaz bun Anas radiyahallhu akusimba kuti Mtumiki sahallualyahi wasallam  adati: “Amene angadye chakudya chilichonse, kenako ndikuwerenga duwa yomwe yatchulidwa pamwambayi, machimo ake a m’mbuyo (ang’onoang’ono) ndi amtsogolo amakhululukidwa.

Duwa Yachitatu

الْحَمْدُ لِلَّهِ الَّذِي أَطْعَمَ وَسَقَى وَسَوَّغَهُ وَجَعَلَ لَهُ مَخْرَجًا

Kuyamikidwa konse ndi kwa Allah Talaa yemwe watipatsa chakudya ndi kutipatsa chakumwa, nachititsa (chakudya ndi zakumwa) kupita kum’mero mosavuta, ndi kupanga malo otuluka (kuti zonyasa zichoke matupi athu).

Dua Yachinayi

اللَّهُمَّ بَارِكْ لَنَا فِيْهِ وَأَطْعِمْنَا خَيْرًا مِّنْهُ

O Allah Talaa ikani baraka mu chakudyachi ndipo tipatseni zabwino kuposa izi.

Dua Yachisanu

الْحَمْدُ لِلَّهِ الَّذِي كَفَانَا وَأَرْوَانَا غَيْرَ مَكْفِي وَلَا مَكْفُوْرٍ

Kuyamikidwa konse ndi kwa Allah Talaa yemwe watikwaniritsira zosowa zathu ndi kutichotsera ludzu, (O) Allah تَبَارَكَ وَتَعَالَى Sitikuchimva kuti kuyamika kwathu kukukwanira (pokutamandani pa Chakudya chomwe mwatipatsa), ndiponso sitikuonetsa kusakuthokozani (pa zabwino zanu pa ife).

Zindikirani: Rasulullah sawallhu alayhi wa sallam  ankawerenga dua yomwe yatchulidwa pamwambayi akamaliza kudya kapena mbale zomwe amadyera zikamachotsedwa.