Kulimba Mtima kwa Hazrat Abdullah bin Mas’uud (Radhiyallahu ‘anhu)

Pankhondo ya Hunain, Asilamu adagonjetsedwa kwakanthawi kochepa. Munthawi yovutayi, Hazrat Abdullah bin Mas’uud (Radhwiyallahu ‘anhu) adali m’gulu la ma swahaabah (Radhwiyallahu ‘anhum) amene adapirirabe ndikukhala limodzi Mtumiki (Swalla Allaahu ‘alayhi wa aalihi wa sallam).

Hazrat Abdullah bin Mas’ood (radhwiyallahu ‘anhu) akufotokoza kuti:

“Ndinali ndi Rasulullah (swallallahu alaihi wasallam) tsiku la Hunain pamene Asilamu anayamba kuthawa kunkhondo. Komabe, amuna makumi asanu ndi atatu ochokera mwa ma Muhajireen ndi Ansar anakhalabe olimba mtima ndi Rasulullah (swallallahu alaihi wasallam). Tinabwerera m’mbuyo pang’ono kwa mamita pafupifupi makumi asanu ndi atatu, koma sitinatembenuke misana yathu kuthawa adani (nkhondo). Awa anali okhulupirira omwe Allah Ta’ala adawatsitsira Sakeenah (mtendere kunkhondo).”

Hazrat Abdullah bin Mas’uud (radhwiyallahu ‘anhu) akupitiriza kuti: “Rasulullah (Swallallahu Alaihi Wasallam) anali atakhala pa nkhosa yake. Ankailimbikitsa kupita kutsogolo kupita kwa adani. Nyamayi siinakhanzikike ndipo inatembenukira mbali ina, zomwe zinapangitsa kuti Rasulullah (Swallallahu ‘alaihi wasallam) asunthe pang’ono mbali imodzi ya chokhalira. Ndinali ndi nkhawa kuti Rasulullah (Swallallahu alaihi wasallam) angagwe pa nyamayo ndipo ndinamuuza kuti, “(Oh Rasul wa Allah (Swallallahu ‘alaihi wasallam)), khalani bwino. Allah Ta’ala akukwezeni!’

Rasulullah (Swallallahu ‘alaihi wasallam) anandiuza kuti, ‘Ndipatse mchenga pang’ono.’ Kenako anauponya (mchenga) kumaso kwawo (adaniwo), ndipo kudzera mumchenga, Allah Ta’ala anachititsa kuti maso a adaniwo adzazidwe ndi mchengawo.

Pambuyo pake, Rasulullah (swallallahu ‘alaihi wasallam) anafunsa kuti: ‘Kodi ma Muhajiriin ndi Ansaar ali kuti?’ Ndinayankha kuti: “Alipo (ali pankhondo pomwepa). Kenako anati: ‘Aitane.’

Ndinawaitana, ndipo anabwera patsogolo atanyamula malupanga awo, akuthwanima m’manja mwawo ngati nyenyezi. Ataona izi, ma Mushrikiin anatembenuka misana yawo ndikuthawa (nkhondo). Mwanjira imeneyi, Allah Ta’ala adadalitsa Rasulullah (swallallahu alaihi wasallam) ndi ma Swahaaba ndi chipambano.” (Musnad Ahmad #4336)