Kudzuka

Tisanagone, taphunzitsidwa kubwereza madua a masnoon ndikumutchura Allah. Mwa ma dua a masnoon tisanagone, pali dua iyi:

اللَّهُمَّ بِاسْمِكَ أَمُوْتُ وَأَحْيٰى

O Allah Ta’ala ndi dzina lanu, ndikufa ndikukhala ndi moyo.

Mu dua iyi, tulo lafaniziridwa ndi imfa, chifukwa chakuti munthu akagona, samakhalanso ndi mphamvu komanso kuzindikira zomwe zikuchitika.

Choncho, kuchokera mu dua iyi, tikuphunzitsidwa kuti nthawi yogona munthu akukonzekera kukumana ndi Allah Talaa. Chimodzimodzinso, podzuka, imodzi mwa madua a masnoon omwe timalimbikitsidwa kuwerenga ndi:

الْحَمْدُ لِلَّهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ

Kutamandidwa konse ndi kwa Allah Talaa Yemwe watipatsa moyo pambuyo pa imfa ndipo kwa Iye yekha ndiye tidzabwerere. Mu dua iyi, tikukumbutsidwa kuti kudzera mu kudzuka kuchokera ku tulo tathu Allah watipatsanso mwayi wa moyo.

Momwemonso, tikukumbutsidwanso za kuuka kwathu pa Tsiku la Qiyaamah. Mu kuyankhula kwina, tikuphunzitsidwa kuti tiyenera kulitenga tsiku latsopanoli m’moyo wathu ngati mdalitso ndi mphatso yochokera kwa Allah ndikugwiritsa ntchito pokonzekera Tsiku la Chiweruzo.