Angelo Okwana 70 Kulemba Zabwino Kwa Masiku 1000

عن ابن عباس قال: قال رسول الله صلى الله عليه وسلم: من قال جزى الله عنا محمدا صلى الله عليه وسلم بما هو أهله أتعب سبعين كاتبا ألف صباح (حلية الأولياء 3/206، وفي سنده هاني بن المتوكل وهو ضعيف كما في القول البديع صـ 116)

Sayyiduna Ibnu Abbas (radhiyallahu anhuma) akusimba kuti, Mtumiki (sallallahu alaih wasallam) adati, “amene angawerenge Durood iyi, adzakhala ndi mwayi oti angelo okwana 70 adzamulembera zabwino kwa masiku okwana 1000.

جَزٰى اللهُ عَنَّا مُحَمَّدًا صَلّٰى اللهُ عَلَيْهِ وَسَلَّمَ بِمَا هُوَ أَهْلُهُ

Allah amulipire (Mtumiki sallallahu alaih wasallam) kudzera mwa ife monga m’mene zikuyenerekera (sawabu zimene zingapindulire ulemu wake).

Kudalitsika Kwa Ma Hadith a Mtumiki (Sallallahu Alaih Wasallam)

Olemekezeka Abu Ahmad, Abdullah bin Bakr bin Muhammad (Rahimahullah) tsiku lina adafotokoza kunena kuti, “maphunziro amene ali opambana kwambiri komanso odalitsika komanso ndi othandiza kwambiri pano padziko lapansi komanso ku Aakhirah pambuyo poiphunzira Quran ndi maphunziro olemekezeka a mahadith a Mtumiki (sallallahu alaih wasallam), munthu adzadalitsika kudzera mukuphunzira ma Hadith a Mtumiki (sallallahu alaih wasallam) chifukwa chakuchuluka kowerenga Durood kumuwerengera Mtumiki (sallallah alaih wasallam) pamene akuwerenga mahadith a Mtumiki (sallallahu alaih wasallam)”. Ma hadith a Mtumiki (sallallah alaih wasallam) ali ngati minda kapena M’dimba momwe ungapeze ntundu ulionse wa chabwino chirichonse. (Al-Qawlul Badee, Pg, 287)