Mlamu wa Rasulullah (Swalla Allaahu ‘alayhi wa aalihi wa sallam)

Olemekezeka Talhah (Radhwiyallahu ‘anhu) adakwatira akazi okwana anayi. Aliyense mwa akazi ake anayi anali pachibale ndi m’modzi mwa akazi olemekezeka a Mtumiki (Swallallaahu ‘alayhi waaalihi wasallam). Ndichifukwa chake Mtumiki (Swalla Allaahu ‘alayhi wa aalihi wasallam) adamuuza kuti: “(Ndiwe) mlamu wanga padziko lapansi ndi tsiku lotsiriza (kutanthauza kuti udzakhalanso mlamu wanga ku Jannah))” (Al-Ahzadithul Mukhtaarah #847)

Allah Ta’ala adasankha akazi onse olemekezeka a Mtumiki (Swalla Allaahu ‘alayhi wa aalihi wasallam) kuti akhale akazi ake padziko lapansi pano, ndiponso Allah Ta’ala adakhanzikitsanso mu chikonzero chake kuti iwo adzakhala akazi ake pa tsiku lomaliza (ku Jannah). Choncho, mu Hadith iyi, Mtumiki (Swalla Allaahu ‘alayhi wa aalihi wasallam) adalosera kuti akazi a Talha (Radhwiya Allahu ‘anhu) adzakhalanso akazi ake pa tsiku lomaliza, kudzera mu kumupanga Talha (Radhwiyallahu ‘anhu) kukhala mlamu wa Mtumiki (Swallallahu alaihi wasallam) padziko lino lapansi ndi ku Jannah.

Talhah (Radhwiya Allaahu ‘anhu) adakwatira akazi anayi otsatirawa omwe anali abale awo a anayi mwa Azwaaj-e-Mutahharaat:

1. Ummu Kulthum bint Abi Bakr al Siddiq, yemwe adali m’chemwali wake wa Bibi Aaishah (Radhwiyallahu “anha).

2. Hamna bint Jahsh Radhwiyallah anh yemwe adali m’chemwali wake wa Zainab bint Jahsh (Radhwiyallahu ‘anha).

3. Fari’ah bint Abi Sufyan yemwe adali m!chemwali wake wa Umm Habibah bint Abi Sufyan (Radhwiyallahu ‘anha).

4. Ruqayyah bint Abi Umayyah (Radhwiyallahu anha) yemwe adali m’chemwali wake wa Ummu Salamah bint Abi Umayyah (Radhwiyallahu ‘anhuma). (Al-Isabah 3/432)