Madua Ndi Azkaar Ogonera

Dua 1

اَللّٰهُمَّ بِاسْمِكَ أَمُوْتُ وَأَحْيٰى

Eh Allah! Talaa mdzina Lanu ndidzafa ndikukhala ndi moyo.

Dua 2

اَللّٰهُمَّ قِنِيْ عَذَابَكَ يَوْمَ تَبْعَثُ عِبَادَكَ

Eh, Allah! ndipulumutseni ku chilango Chanu tsiku limene Mudzaukitse akapolo Anu (m’manda).

Dziwani: Mtumiki (sallahu alayhi wasalam) ankawerenga dua iyi.

Duwa 3

اَلْحَمْدُ لِلّٰهِ الَّذِيْ أَطْعَمَنَا وَسَقَانَا وَكَفَانَا وَآوَانَا فَكَمْ مِمَّنْ لَا كَافِيَ لَهُ وَلَا مُؤْوِيَ

Kuyamikidwa konse ndi kwa Allah Talaa yemwe adatipatsa chakudya, chakumwa, watikwaniritsa zofunika zathu ndi kutipatsa pogona. Achulukirenji amene alibe owakwaniritsira, ngakhalenso owasamalira.

Dua 4

أَسْتَغْفِرُ اللهَ الَّذِيْ لَا إِلٰهَ إِلَّا هُوَ الْحَيُّ الْقَيُّوْمُ وَأَتُوْبُ إِلَيْهْ

Ndikupempha chikhululukiro kwa Allah amene palibe wina olambieidwa kupatula Iye, amene ndi Wamoyo Wamuyaya, Osunga chilichonse chomwe chilipo, ndipo ndikutembenukira kwa Iye polapa.

Zindikirani: Ubwino owerenga dua iyi ndikuti machimo onse ang’onoang’ono a munthu amakhululukidwa.

Abu Sa’id (radhwiyallahu anhu) wafotokoza kuti Rasulullah (swallallahu alaihi wasallam) adati: “Amene amawerenga istighfaar katatu asanagone Allah amamukhululukira machimo ake ngakhale atakhala ochuluka ngati thovu la m’nyanja, masamba a m’mphepete mwa nyanja, mchenga wa ku Aalij (malo opezeka m’chipululu omwe muli milu ya mchenga ochuluka), ndi masiku a dunya.

Dua 5

بِاسْمِكَ رَبِّ وَضَعْتُ جَنْبِيْ وَبِكَ أَرْفَعُهُ إِنْ أَمْسَكْتَ نَفْسِيْ فَارْحَمْهَا وَإِنْ أَرْسَلْتَهَا فَاحْفَظْهَا بِمَا تَحْفَظُ بَهِ عِبَادَكَ الصَّالِحِيْنَ

Mdzina Lanu mbuye wanga, ndikuika mbali yanga ya thupi (pogona), ndipo M’dzina lanu) ndilinyamula (podzuka). Ngati muutenga mzimu wanga (kutulo kwanga) uchitireni chifundo, ndipo ngati muusiya (ndiloreni kuti ndidzuke ndiri wamoyo) nditetezeni (ku machimo) ndipo ngati mungausiye choncho kudzera mchitetezo chanu Chapadera ndi tawfeeq) muuteteze monga mumatetezera akapolo Anu oopa (Inu).

Dua 6

اَللّٰهُمَّ خَلَقْتَ نَفْسِيْ وَأَنْتَ تَوَفَّاهَا لَكَ مَمَاتُهَا وَمَحْيَاهَا إِنْ أَحْيَيْتَهَا فَاحْفَظْهَا وَإِنْ أَمَتَّهَا فَاغْفِرْ لَهَا اَللّٰهُمَّ إِنِّيْ أَسْأَلُكَ الْعَافِيَةْ

O Allah mudalenga moyo wanga, ndipo mudzautenga. Pakuti Inu nokha ndamene mungapereke imfa kapena kuusiya. Ngati mulola kuti ukhale ndi moyo (kutulo) utetezeni (kuti usagwere mu uchimo), ndipo ngati mupereka imfa ukhululukireni. O Allah ! Ndikukupemphani aafiyah (chitonthozo ndi mpumulo).

Dua 7

اَللّٰهُمَّ رَبَّ السَّمَاوَاتِ وَرَبَّ الْأَرْضِ وَرَبَّ الْعَرْشِ الْعَظِيْمِ رَبَّنَا وَرَبَّ كُلِّ شَيْءٍ فَالِقَ الْحَبِّ وَالنَّوٰى وَمُنْزِلَ التَّوْرَاةِ وَالْإِنْجِيْلِ وَالْفُرْقَانِ أَعُوْذُ بِكَ مِنْ شَرِّ كُلِّ شَيْءٍ أَنْتَ آخِذٌ بِنَاصِيَتِهِ اَللّٰهُمَّ أَنْتَ الْأَوَّلُ فَلَيْسَ قَبْلَكَ شَيْءٌ وَأَنْتَ الْآخِرُ فَلَيْسَ بَعْدَكَ شَيْءٌ وَأَنْتَ الظَّاهِرُ فَلَيْسَ فَوْقَكَ شَيْءٌ وَأَنْتَ الْبَاطِنُ فَلَيْسَ دُوْنَكَ شَيْءٌ اِقْضِ عَنَّا الدَّيْنَ وَأَغْنِنَا مِنَ الْفَقْرِ

O Allah Talaa ! Mbuye wa kumwamba, Mbuye wa dziko lapansi, Mbuye wa Mpando Wachifumu, Mbuye wathu wa Chilichonse! Yemwe amang’alura pakati njere ndi mbewu, ndi Yemwe adavumbulutsa Tawraah, Injili ndi Furqaan (Qur’an Majeed). Ndikudzitchinjiriza mwa Inu ku zoipa za Chilichonse chimene mwandiikira kutsogolo. O Allah Talaa Inu ndinu Oyamba, kotero panalibe chilichonse musanakhalepo Inu, ndipo Inu ndinu omaliza, kotero sipadzakhala chilichonse pambuyo Panu, ndipo Inu ndinu owonekera Kwambiri (kudzera mu zizindikiro Zanu), kotero palibe chilichonse pamwamba Panu (chowonekera), ndipo Inu ndinu obisika Kwambiri, kotero palibe chilichonse pansi panu ( chobisika kuposa inu). Lipirani ngongole zathu ndipo mutilemeretse ku umphawi.

Dua 8

الْحَمْدُ لِلَّهِ الَّذِي كَفَانِي وَآوَانِي وَأَطْعَمَنِي وَسَقَانِي وَالَّذِي مَنَّ عَلَيَّ فَأَفْضَلَ وَالَّذِي أعطَانِيْ فأَجْزَلَ الْحَمْدُ لِلَّهِ عَلَى كُلِّ حَالِ اللَّهُمَ رَبَّ كُلِّ شَيْءٍ وَمَلِيْكَهُ وَإِلَهَ كُلِّ شَيءٍ أَعُوْذُ بِكَ مِنَ النَّارُ

Kuyamikidwa konse ndi kwa Allah Talaa yemwe adandikwanira (kundipatsa malo ogona, kundidyetsa ndi kundimwetsa, ndiponso amene adandichitira ubwino ndi kundionjezera (poyerekeza ndi ena mu ubwino Wake), ndi amene adandidalitsa ndi zabwino zazikulu ndi kuonjezera zabwino zochuluka zimenezi ndi kuzipangitsa kuti zizichulukana, Kuyamikidwa ndi kwa Allah mnyengo iliyonse Mbuye wa chilichonse, Mwini weniweni wa Chilichonse. Allah wa Chilichonse, ndikudzitchinjiriza mwa Inu kumoto wa Jahannum.

Dua 9

اللَّهُمَّ أَسْلَمْتُ نَفْسِيْ إِلَيْكَ وَفَوَّضْتُ أَمْرِي إِلَيْكَ وَوَجَّهْتُ وَجْهِي إِلَيْكَ وَألْجَأْتُ ظًهْرِيْ إِلَيْكَ رَغْبَةً وَرَهْبَةً إِلَيْكَ لَا مَلْجَا وَلَا مَنْجَا مِنْكَ إِلَّا إِلَيْكَ آمَنْتُ بِكِتَابِكَ الَّذِي أَنْزَلْتَ وَبِنَبِيِّكَ الَّذِي أَرْسَلْتَ

O Allah Talaa! Ndadzipereka kwa Inu! Ndikuika moyo wanga onse kwa Inu, ndipo ndikutembenukira nkhope yanga (ndi mtima) kwa Inu, ndipo ndikutsamira kwa Inu (ndikulandira chithandizo kuchokera ku Chitetezo Chanu), ndi chiyembekezo ndi khumbo (lofuna kuoeza malipiro) ndi kuopa (chilango Chanu). Palibe malo opatulika kapena chipulumutso (kapena chilango) koma kwa Inu (kupatula ku chifundo Chanu). Ndikubweretsa Imaan mu bukhu Lanu lomwe mudavumbulutsa, ndi mwa Nabi Wanu amene mudamutumiza.

Zindikirani: Ngati munthu awerenga dua iyi asanagone, ndikumwalira ali mtulo, ndiye kuti adzafa ali pa fitrah ( panjira ya Chisilamu).

Dua 10

لَا إِلَهَ إِلَّا اللهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيْرٌ لَا حَوْلَ وَلَا قُوَّةَ إِلَّا بِاللَّهِ سُبْحَانَ اللهِ وَبِحَمْدِهِ لَا إِلَهَ إِلَّا اللَّهُ وَالَلَّهُ اَكْبَرُ

Palibe opembedzedwa mwachoonadi koma Allah Talaa yekha. Alibe mnzake. Ndithu ufumu ndi Wake yekha, ndipo kutamandidwa konse ndi kwa Iye, ndipo lye ndi Olamulira Chilichonse, ndipo palibe mphamvu (yopewa machimo) ngakhalenso mphamvu ( Zochita ntchito zabwino) koma Kudzera mwa Allah Talaa Ulemerero ndi wa Allah Talaa ndi kutamandidwa Kwake! Palibe opembedzedwa mwachoonadi koma Allah Talaa ndipo Allah Talaa Ndi wamkulu.

Zindikirani : Yemwe angawerenge duwa iyi asanagone, machimo ake onse ang’onoang’ono adzakhululukidwa, ngakhale atakhala ochuluka ngati thovu panyanja.