Zopeka Mu Dini

Misampha iwiri ikuluikulu ya shaitaan yosocheretsera munthu ndi chuma ndi akazi. Misampha iwiriyi ndi yowononga kwambiri. Ndipo machimo ambiri omwe amachitika padziko lapansi amachokera ku misampha iwiriyi.

Rasulullah  adati “Ndithudi, dziko lapansi ndi lokoma komanso lokongola ( lokongola komanso lokopa) ndipo Allah Talaa  wakusankhani kukhala oimira padziko lapansi, kuti ayang’ane khalidwe lanu ndi machitidwe anu padziko lapansi. Kotero, samalani ndi fitnah ya dunya ( fitnah ya chuma) ndi fitnah ya akazi, popeza fitnah yoyamba ya Banu Israa’iil inali fitnah ya “akazi.”

Kupatula misampha ya chuma ndi akazi, msampha wina owopsa omwe shaitaan amagwiritsa ntchito kuwononga dini ya anthu ambiri ndi msampha wa bid’aat (machitidwe atsopano mu deen).

Tchimo limene anthu samapanga Taubah

Shaitaan atamva kuti chitseko cha taubah chatsegulidwa kwa Nabi Aadam alaihis salaam ndi ana ake mpaka kumapeto kwa miyoyo yawo, ndipo adazindikira kuti khama la moyo onse losokeretsa munthu ‘lidzataidwa mu ngalande’ m’masekondi ochepa kudzera mwa okhulupirira okhetsa Misozi ya taubah pamaso pa Allah adapanga dongosolo lomwe adzatha kuletsa munthu kupanga taubah.

Shaitaan adati adzalimbikitsa anthu kuchita zinthu za haraam, koma sadzaziona ngati ndi haraam, zomwe sizidzachititse kuti asapange taubah ndikupempha chikhululukiro kwa Allah.

Adzawamiza mu zoipa za bid’aat (zopeka) ndi zina zotero zomwe adzazikongoletse pamaso pawo, kufikira atayamba kuikira kumbuyo zolakwika zawo. Chifukwa chosaganizira zolakwikazo kukhala machimo, sadzatembenukira kwa Allah kupanga taubah.

Abu Bakr radhwiyallahu anhu akunena kuti Rasulullah swallallahu alaihi wasallam anati “Gwiritsitsani mwamphamvu kuwerengedwa kwa Laa ilaaha illallah ndi istighfaar (kulapa), ndipo onetsetsani kuti mukuzichita kawirikawiri, pakuti Iblees anati, ‘Ndinaononga anthu chifukwa chowaika m’machimo, ndipo anandiwononga chifukwa chowerenga Laa ilaaha illallah ndikuchita istighfaar.

“Nditaona zimenezo, ndinawawononga powatangwanitsa m’zilakolako zawo (Bid’ah ndi machitidwe ena oipa zomwe amazitenga ngati ndi zolungama). Kotero, amadziona kuti ndi otsogozedwa bwino (ndipo samapanga istighfaar).

Pulani Ya Iblees

Imaam Awzaaee rahimahullah akufotokoza kuti Iblees anauza asilikali ake kuti, “Mudzagwiritsa ntchito yanji poyesa kumusokeretsa munthu?” Iwo anayankha kuti, “Tidzagwiritsa ntchito njira zonse zomwe tingathe kuti timupotole!”

Kenako Iblees anafunsa kuti, “Kodi mudzatha kuwalepheretsa kuchita istighfaar?” Iwo anayankha kuti, “Zimenezo n’zovuta kwambiri! Zimenezo ndi zomwe zili mgulu la tauheed!”

Kenako Iblees anaganiza za njira nati, “Ndithudi ndidzawachititsa machimo ena kukhala ofalikira pakati pawo omwe adzapangitse kusakhala ndi maganizo odzalapa kwa Allah chifukwa chowatenga machimo amenewa ngati oloredwa (.” Pambuyo pake, Iblees anayamba kuzigwiritsa ntchito zomwe ochitawo poona adazipeputsa chifukwa cha zilakolako zawo.”

Kuchokera mu Hadith iyi, munthu akumvetsa kuti Qiyaamah isanafike, padzakhala zambiri zosaloredwa zomwe zidzafalale. Anthu adzazitenga kukhala zoloredwa ndipo sadzawaona ngati ndi machimo ndi milandu mu deen.

Kotero, apitiliza kuchita zinthu zimenezi ndipo sadzalapa, chifukwa choziona ngati ndi zinthu wamba kapena miyambo ya anthu.
kujambula zithunzi, akazi akupita kuntchito ndi Pakati pa machimo amenewa pali kusakanikirana kwa amuna ndi akazi, kutenga nawo mbali pochita zinthu momasuka ndi amuna kapena akazi.

Chimodzimodzinso, pali njira zambiri zamalonda zomwe zimati munthu akamaziyang’anitsitsa ndi kuzilingalira, amazindikira kuti zimafanana ndi mchitidwe wa ribaa, ngakhale kuti zimaperekedwa mwanjira ina. Zonsezi zimakhala gawo la nkhani ya shaitaan.

Ulosi wa Rasulullah Swallallah alaihi wasallam

Pokamba za nthawi yomaliza pafupi ndi Qiyaamah, Rasulullah swallallahu alaihi wasallam adaudziwitsanso ummah za nkhani za shaitaan zomwe zikuchitika ndikukhala zenizeni mu ummah wake. Rasulullah adati:

“E, inu ma Swahaabah anga! Udzakhala bwanji Ummah wanga pamene achinyamata anu adzachimwira poyera, ndipo akazi anu adzapyola malire onse?” Ma Swahaabah radhwiyallahu anhum adafunsa: “Kodi nthawi yotero idzabwera ku Ummah?” Nabiy swallallahu alaihi wasallam adati: “Inde, ndipo choipitsitsa chidzachirika.”

Ndipo Nabiy swallallahu alaihi wasallam adati: “E, ma Sahaabah anga! Udzakhala bwanji Ummah wanga pamene mudzasiye kulamula zabwino ndi kuletsa zoipa?” Ma Swahaabah radhwiyallahu anhum adafunsa: “Kodi nthawi yotero idzabwera ku Ummah?” Nabiy swallallahu alaihi wasallam adati: “Inde; Ndipo Nabiy swallallahu alaihi wasallam adati: “E, inu ka Swahaabah anga! Udzakhala bwanji Ummah wanga panthawiyo pamene inu mudzachitenge cholakwa kukhala chabwino ndipo chabwino kukhala cholakwika?”.

Check Also

Tsiku La Chiweruzo – Tsiku Lodzakhudwa Kwa Anthu Ambiri

Mu Quraan Majid, Tsiku la Qiyaamah latchulidwa ndi mayina osiyanasiyana. Mayina ena mwa awa ndi …