Alislaam Yeretsani mtima wanu potsatira chisilamu

Olemekezeka Abdullah bin Abbas (radhiyallahu anhuma) adati, Allah amasangalatsidwa ndi anthu awiri, munthu oyamba ndi amene wakumana ndi mdani yemwe ali pa Hashi yake yabwino kwambiri limodzi ndi anzake. Ndikupezeka kuti anzake onse agonja koma iye ndikupitiriza kumenya nkhondo, ngati angamwalire ndiye kuti wamwalira ali Shahid, ngati sangaphedwe ndiye kuti ali mgulu la anthu amene Allah wasangalatsidwa nawo. Munthu wina ndi amene amadzuka usiku kuswali Tahajjud mopanda wina aliyense kuzindikira kuti iyeyu wadzukira Tahajjud, amapanga wudhu wake moyenera ndipo akatero amamutamanda Allah ndikumuyeretsa, komanso amamfunira zabwino Mtumiki (swallallahu alaih wasallam). Ndipo akatero amayamba kuwerenga Quran. Uyu ndiye munthu amene Allah amasangalatsidwa naye, Allah akuyankhula zokhudza munthu amene "Tamuonani kapolo wanga amene akuswali pamene wina aliyense sakumuona kupatula ine".

13. Osakweza mawu kapena kuphokosera mumzikiti komanso malo onse odzungulila mnzikiti.

Olemekezeka Saib bin Yazeed akusimba kuti; Nthawi ina yake ndinali kugona munzikiti ndipo munthu wina anandiponya timiyala ting´ononoting´ono (ndicholinga chondidzusa), ndidayang´ana ndiye ndidapeza kuti adali Umar (radiyallah anhu). Iye adati kwa inept; Pita undibweresere anthu awiri amenewa kwa ine (amene akutsokoserawa), Ndipo ndinawabweretsa kwa Umar (radiyallah anhu), ndipo anawafunsa nati, Inu ndiochokera kuti? Iwo adayankha nati ndife ochokera ku Taif. Olemekedzeka Umar (radiyallah anhu) adati Inuyo mukadakhala ngati anthu amumadinah muno ndikadakupasani chilango chokhwima kwambiri Mukukweza inuyo mawu mumzikiti wa Mtumiki (salallah alayhi wasallama).

Hazrat Abu Umaamah (radhiyallahu anhu) akusimba kuti Mtumiki (sallallahu alaih wasallam) adati, wina aliyense amene angawerenge mawu awa pambuyo pa swalah ya Fardh chiombolo changa pa iye chhidzakakamizidwa pa tsiku lachiweruzo.

Oh Allah mupatseni Muhammad (sallallah alaih wasallam) wasiilah (mwayi owombola pa tsiku lachiweruzo) ikaninso chikondi m'mitima mwa anthu omwe mudawasankha mumuikenso mgulu la anthu apamwamba ndipo malo ake muwapange kukhala limodzi ndi akapolo omwe ndi okondedwa kwambiri kwa inu.

9. Pangani chitsimikizo kuti mukupanga itikafu ya sunnah (nafl itikaaf) panthawi imene mungakhalire mumzikitimo.

10. Pempherani maraka awiri a Tahiyyatul masjid (olemekedzera mzikiti) pamene mwangolowa mumzikiti kumene.

Hazrat Abdullah bin Umar (radhiyallahu anhuma) akufotokoza kuti "Mtumiki (sallallahu alaih wasallam) ankatiphinzitsa tashahhud ya pa swalah ndipo kenako ankatiuza kuti (mukatsiriza kuwerenga tashahhud) tidziwerwnganso Durood"

7. Lowani mumzikiti ndimwendo wamanja.

Kwanenedwa kuti Olemekezeka Anas radhiyallahu anhu adati; ndipo ndi sunnah (njira yamtumiki sallallah alayhi wasallam) pamene ukulowa mumzikiti kulowa ndimwendo wamanja ndipo potuluka kutsogoza mwendo wamanzere.

Olemekezeka Abu Humaid kapena Abu Usaid (radhiyallahu anhuma) akufotokoza kuti Mtumiki (sallallahu alaih wasallam) adati, "pamene munthu a kulowa munzikiti adziwerenga Durood kumfunira zabwino Mtumiki (sallallahu alaih wasallam) ndipo kenako adziwerenga duwa iyi:

6. Werengani maduwa pamene mukupita kumzikiti. Ena mwa maduwawo ndi awa: Dua yoyamba Amene angawerenge duwa iyi pamene akunyamuka ulendo wakumzikiti amakhala ndichifundo cha Allah chapadera ndiponso angelo okwanira 70,000 amamuchitiranso maduwa.[1] اَللّٰهُمَّ إِنِّيْ أَسْأَلُكَ بِحَقِّ السَّائِلِيْنَ عَلَيْكَ وَأَسْأَلُكَ بِحَقِّ مَمْشَايَ هٰذَا فَإِنِّيْ لَمْ أَخْرُجْ أَشَرًا وَلَا بَطَرًا وَلَا رِيَاءً …

Kugunda kwaphokoso (la qiyaamah). Kodi kugunda kwaphokoso ndichiyani?. Ndichiyani chingakudziwise zakugunda kwaphokoso?. (Kugunda kwaphokoso kudzachitika)Tsiku limene anthu adzakhala ngati agulugufe obalalika. Ndipo mapiri adzakhala ngati ubweya omwazidwa. Tsono munthu amene muyeso wazinthu zabwino udzalemere(ndikupepuka zoipa). Ndiye kuti adzakhala osangalala pa tsiku lachiwerudzo. Ndipo amene muyeso wake wazabwino udzapepuke(ndikulemera zoipa). Ndiye kuti kumalo ake ofikila kudzakhala ku Hawiya(dzenje lamoto wa jahannama). Chingakudziwitse mchiyani zamoto wa Hawiya. Umenewo ndimoto oyaka mwaukali.

Olemekezeka mama Aishah (radhiyallahu anha) akuforokoza kuti Mtumiki (sallallahu alaih wasallam) akamalowa munzikiti choyambilira ankawerenga Durood ndipo kenako amawerenga dua yotsatirayi:

Rabbigh firlii dhunuubii waftahlii Abuwaaba rahmatika.

Oh Allah, ndikhululukireni machimo anga ndiponso munditsegulire makomo a chifundo chanu.

Mtumiki (sallallahu alaih wasallam) akamatuluka munzikiti ankawerenga Durood ndipo kenako ankawerenga duwa yotsattirayi: